4 пайызбен автонесиені қалай алуға болады? (Видео)

24 қантар, 20:44

4 пайызбен автонесиені қалай алуға болады? (Видео)

Төрт пайызға жеңілдетілген несие шамамен осы айдың аяғында қайта жалғасады. Әзір соған тырысып жатырмыз дейді индустрия және инфрақұрылымдық даму министрі. Тек несиеге өтініш беру талабында өзгерістер болуы мүмкін. Бағдарламаға қатысты толық ақпарат аптаның соңына дейін жариялануы тиіс. Бұл КТК телеарнасы хабарлады.

Әзірге белгісі мынау: бұған дейін азаматтар алдымен автосалондарға тіркеліп, кейін банктің көмегіне жүгінген. Енді темір тұлпар тізгіндегісі келгендер «Өнеркәсіпті дамыту қорына» электронды кезекке тұрады. Содан кейін автосалонға жөнелтіледі. Ондағылар тұтынушының талап-тілегіне сәйкес, темір тұлпарды белгіленген мерзімде тауып беруі керек.

Жеңілдетілген автонесие бағдарламасына былтыр мамыр айында 100 миллиард теңге бөлінген еді. Осының арқасында 12 мыңнан астам адам көлік алған. Банк азаматтарға төрт пайызбен 10 миллион теңгеге дейін несие береді. Қалған сомманы тұтынушылар өз қалтасынан төлеуге тиіс. Тек темір тұлпардың бағасы 15 миллион теңгеден аспауы керек. Әзірге жеңілдетілген автонесие бағдарламасы тоқтап тұр. Әрі жаңа жылдан бастап көлік түрлерінің көбі тағы қымбаттап кетті. Ал нарықта сол қымбат көліктің жетіспеуін министр былай түсіндірді.

Марат Қарабаев, ҚР Индустрия және инфрақұрылымдық даму министрі:

— Автокөліктің жетіспеушілігі тек Қазақстанда емес, бүкіл әлемдегі мәселе. Сол Кореяның өзінде де бұқаралық ақпарат көздерінен оқыған шығарсыздар, кейбір модельді екі жарым жылға дейін тосады. Әрине, оның бірінші себебі чипке байланысты деп, оны бірнеше рет түсіндірдік. Пандемиядан соң логистикалық қосалқы бөлшектерді алып келу және оны жеткізу тізбесінің өзі ауысты.

25 қантар, 9:27
Ербол Хамитов әлем чемпионы! (Видео)
24 қантар, 17:32
Жанар Айжанова: Арабтарды таң қалдырдым
24 қантар, 17:16
Орыс мектебіндегі оқушылар енді қазақ тілінен емтихан тапсырады
24 қантар, 15:17
Ынтымақтастық кеңиді
24 қантар, 13:53
Науан Мүтәлұлы, имам: Өзіңе-өзің қол жұмсау – ең ауыр күнә
24 қантар, 13:13
Әлихан Смайылов: Айтып келетін апатқа жол бермеу керек!
24 қантар, 10:03
Елена ерлеп тұр 
23 қантар, 15:48
Батырдың көйлегі мен мүштегі (Видео)