4 бала қаза тапты: Астана әкімдігі өрттен зардап шеккен отбасыларға көмек көрсетеді

17 қараша 2024, 14:16

Жантүршігерлік өрт 17 қарашада таңғы уақытта болды. Жеке екі қабатты тұрғын үйдің шатыры өрттен жартылай опырылып, 2011, 2015, 2021 және 2022 жылы туған төрт бала қаза тапты. Өрттің себебін анықтау үшін сот-медициналық сараптама тағайындалған болатын.

Шатыры жартылай опырылып, өрт болған жекеменшік екі қабатты үйде екі отбасы тұрған. Астана әкімдігі оларға қажетті көмек көрсетеді.

Құрбан болған зардап шеккен отбасыға психологиялық көмек беріледі. Оларға материалдық, тұрғын үй және басқа да қажетті көмек көрсетіледі. Туыстарына қайғыра көңіл айтамыз.

Құрбан болмаған екінші отбасы уақытша баспанаға орналастырылды. Әкімдік қызметкерлері отбасыларымен тұрақты байланыста, барлық қажетті көмек көрсетіледі.