31 жастағы әлем чемпионының неден қайтыс болғаны белгілі болды

02 қазан 2024, 16:25

Паратаеквондодан Қазақстан Республикасының ұлттық құрама мүшесі, халықаралық дәрежедегі спорт шебері Өміралі Нышан Елубайұлы 31 жасында өмірден озды. Паралимпиада комитетінің баспасөз қызметі паратаэквондодан екі дүркін әлем чемпионы қазанның 1-нен 2-сіне қараған түні жол апатынан қаза болғанын хабарлады.

Нышан Жамбыл облысының тумасы. Ол 17 жасынан спортпен айналысып, бүгінгі күнге дейін екі дүркін әлем чемпионы, Азия чемпионы, Азия ойындарының және көптеген халықаралық жарыстардың жүлдегері, Токио-2020 және Париж-2024 Паралимпиада ойындарының қатысушысы болып келді. Нышанның артында жары мен үш баласы қалды. Ағайын, туған -туыстары мен барша жақындарына қайғырып көңіл айтамыз, -деп жазды Дене мүмкіндіктері шектеулі тұлғаларға арналған спорттық даярлау орталығы Facebook парақшасында.