250 адам эвакуацияланды: Жамбыл облысында мейрамханадан өрт шықты

Жамбыл облысының Б.Момышұлы ауылында мейрамхана өртеніп, құтқарушылар 250 адамды эвакуациялады.

Төтенше жағдай министрлігінің хабарлауынша, екі қабатты мейрамхананың шатыры жанып, 400 шаршы метр алаңдағы 2-қабаттың шағын залына көшкен. Оқиға орнында өрт сөндіру штабы құрылған.

Өрт сөндіруге Төтенше жағдайлар департаменті жеке құрамынан 60-қа жуық адам, жедел құтқару жасағы, АМО, Төтенше жағдайлар департаменті психологтары және 12 техника жұмылдырылды, — делінген хабарламада.

Өрт салдарынан 4 адам медициналық көмекке жүгінген. Оның біреуі ауруханаға жатқызылып, иіс тиген үш адам дәрігерлердің бақылауына алынған. Өрттің себебі анықталып жатыр.

JQ-Aqparat

Сурет: Видеодан кадр