1348 «резеңке пәтерде» 36 мыңға жуық адам тіркелген

Бүгін ОКҚ алаңында өткен брифингте ішкі істер министрлігінің көші-қон қызметі комитетінің төрағасы, полиция полковнигі Аслан Аталықов «резеңке пәтерлер» мәселесіне тоқталды. Оның айтуынша, Қазақстан азаматтары мен шетелдіктерді жалған тіркеудің ең көп саны республикалық маңызы бар үш қалада анықталды.
Аслан Аталықов:
«Жалпы еліміз бойынша 1 348 резеңке пәтер анықталды, онда 36 мыңға жуық адам тіркелген. Тіркеусіз тұрғаны үшін 200 мыңнан астам адам әкімшілік жауапкершілікке тартылды. Қабылданған шаралардың арқасында «резеңке» пәтерлер саны азайып келеді».
ІІМ өкілі пәтерге жалған тіркеудің заңсыз екенін ескертті. Бұл үшін әкімшілік және қылмыстық жауапкершілік көзделген.

JQ-Aqparat
Сурет: ortcom.kz