11 айда 16,7 млн тонна мұнай өңделді

Биылғы жылдың 11 айының қорытындысы бойынша, еліміздің мұнай өңдеу зауыттарында мұнай өңдеу көлемі 16,7 млн тоннаны құрады. Бұл өткен жылдың сәйкес кезеңімен салыстырғанда 3,6 пайызға артық.

2024 жылғы есепті кезеңде мұнай өнімдерін өндіру көлемі:
— автобензин — 4,88 млн.тонна немесе 2023 жылға 101,1%;
— дизель отыны — 4,91 млн.тонна немесе 2023 жылға 103%;
— авиакеросин — 0,68 млн.тонна немесе 2023 жылға 118,6 пайызды құрады.

Бүгінде отандық мұнай өңдеу зауыттары тұрақты жұмыс істейді. Жанар-жағармай материалдарының (ЖЖМ) қорларын тиеу және толықтыру үздіксіз жүзеге асырылып жатыр.

JQ-Aqparat
Сурет: энергетика министрлігі