Өзін полиция қызметкерімін деп таныстырып дүкеншілерді алдап соққан

Ақтөбеде 23 жастағы жігіт өзін полиция қызметкерімін деп таныстырып, дүкеншілерді алдап соққан.

Ақтөбелік тұрғын ішімдік сататын дүкендерге барып, олардың лицензиясын тексермек болған. Өзін полиция қызметкерімін деп таныстырған 23 жастағы жігіт әкімшілік хаттама толтырмас үшін қызметіне 30-60 мың теңге сұраған. «Ақтөбе қаласының учаскелік полиция инспекторы 23 жастағы қала тұрғынының қылмыстық әрекетін анықтап, ұстады. Күдікті өзін полиция қызметкерімен деп таныстырып, алкогольдік ішімдік сататын дүкен иелерінен 30-60 мың теңге сұраған. Әкімшілік жауапкершіліктен босатуға уәде берген күдікті екі дүкен иесін алдады. Ол бұрын сотталмаған», — деді Ақтөбе облыстық ІІД баспасөз қызметі. Айта кетейік, осы оқиғаға байланысты Қылмыстық кодекстің «алаяқтық» бабы бойынша іс қозғалды. Тергеу жүріп жатыр.

ҚазАқпарат