Жұртты 32 миллион теңгеге алдаған шымкенттік ұсталды

Шымкент қаласы мен Түркістан облысының 15 тұрғыны алаяқтықтың құрбаны болды. Polisia.kz хабарлағандай, өзін білікті заңгер ретінде таныстырған ер адам сенгіш азаматтарға бизнес жоспарын жүзеге асыру үшін мемлекеттен қайтарымсыз грант пен арнайы төлемдер алып отыруға көмектесетінін айтқан. Мұндай «қызметтің» құны 200 мыңнан 2,5 миллион теңгеге дейін бағаланған. Уәде етілгенін қызметті алмаған жәбірленушілер алаяқтың айласына түсіп қалғандарын түсініп, полицияға арызданған. Оларға келтірген жалпы шығын сомасы 32 миллион теңгені құрады. Жедел-іздестіру жұмыстары барысында Тұран АПБ криминалдық полиция бөлімінің жедел уәкілдері қаскүнемді ұстады. Қазір бірнеше рет алаяқтық жасағаны үшін күдікке ілінген ер адам қамауда отыр.

JQ-Aqparat