Жүргізушілер жазадан құтылу үшін жалған құжат ұсынған

Жетісу облысының прокурорлары мас күйіндегі көлік жүргізушілерін ұстау кезінде әкімшілік қамауға алынбау мақсатында медициналық және басқа да құжаттарды бұрмалау фактілерін анықтаған.
Екі жағдайда әйелдер сотқа жалған анықтамалар мен жүктілігі туралы ультрадыбыстық қорытындылар берген.
Мұндай жалған құжаттарды пайдалану Кодекстің 50-бабына сәйкес тұлғаларды қамауға алу қолданылмайтын мүмкіндік береді.
Бұл сияқты тағы да бір мысал — кәмелетке толмаған баласының бар екендігін көрсеткен жалған құжаттарды сотқа ұсынған аудан әкімдігінің бір бөлім басшысының әрекеті.
Аудандық сот осы анықтама негізінде оны қамауға алудан босатқан.
Прокуратураның тексеруі оның уәждерін жоққа шығарды. Ол берген деректерді тексергенде, оның кәмелетке толмаған баласы мүлде жоқ болып шыққан.
Барлық анықталған фактілер бойынша прокуратураның қадағалау актісі негізінде сот актілері қайта қаралып, қамауға алу түріндегі бұлтартпау шарасы қолданылды.
Уәкілетті органдар ресми құжаттарды қолдан жасау фактілері бойынша да сотқа дейінгі тергеп-тексеру жұмыстарын бастады, деп атап өтті облыс прокуроры Мадияр Басшыбаев.

JQ-Aqparat