Жұмыс орны суық болса, қызметкер ол жерден кетіп қала ала ма?

Егер жұмыс орныңыз қатты суық болып тұрса не істеуге болады? Заңгер Сәбина Ахметова өзінің Instagram-дағы парақшасында осыны түсіндірді.
Сәбина Ахметованың айтуынша, Еңбек кодексінің 182-бабына сәйкес жұмыс беруші қызметкерін қауіпсіз және денсаулыққа зиянсыз жағдаймен қамтамасыз етуге міндетті. Егер еңбек жағдайы талапқа сай болмаса, қызметкердің жұмысты орындаудан бас тартуға хақысы бар.
«Сондай-ақ Еңбек кодексінің 184-бабына сәйкес жұмыс беруші санитариялық-эпидемиологиялық талаптарға сай дұрыс температураны, жарық пен желдету жүйесін қамтамасыз етуге міндетті. Ал температура 18 градустан төмен болмауы тиіс. Дауылды ескерту болған жағдайда жұмыс беруші не көлік бөлуге, не қашықтан жұмыс істетуге, не жұмыс күнін қысқартуға тиіс», – дейді заңгер.

JQ-Aqparat