Жұлдыз Әбдікәрімова: Сіздер де доғарыңыздар! Балаларға ауыр тиіп жатыр…

Жұлдыз Әбдікәрімова әлеуметтік желіде Қайрат Нұртас туралы қоймай сұрап жатқан оқырмандарына жауап берді.

Күйеуіңізді уайымдамайсыз ба?», «,  «Күйеуіңіз қамауда жатса, сіз қайдағыны қиялдап», «Масқара, әкелері жатыр, бұл апам қыдырғанын салып», — деп жазып жатыр желі қолданушылары.

«Бұдан артық үндемеуге болмады! Ешқашан жеке мәселені инстаграмда талқылаған емес едім. Сіздердің жазғандарыңызды балалар оқып жатыр. Бұл оқиғада менің бар фокусым балаларымда. Қыздар жасөспірім шақта. Ұлдар намысшыл. Ата-анасы өнер адамдары болғаны үшін олар неге қиындық көруі керек? Заң алдында Қазақстанның барлық азаматы бірдей. Ол азаматтығын көрсетті. Қателескенін ескеріп, жауап беруге дайын екенін дәлелдеді. Балаларға түсіндіруге тырыстық. Енді сіздер де доғарыңыздар. Балаларға ауыр тиіп жатыр!» — деп жазды актриса.

Сурет: Ашық дереккөзден