Жол бойында ешқандай ереже мен тәртіпке бағынбайтын мопед жүргізушілері мен қайғылы оқиға көбеймесе, азаяр емес. Жыл басынан бері еш жерде тіркелмеген қос доңғалақты осы көліктің қатысуымен болған жол апатында 27 адам көз жұмды. Қол-аяғы майып болғандар қаншама!
Бүгін Үкімет басшысы Олжас Бектенов талайды толғандырып отырған осы түйткілдің қалай шешіліп жатқанын сұрады. Ішкі істер министрі Ержан Сәденов бүгінге дейін 39 мың мопедшінің әкімшілік жауапқа тартылғанын, 5 мыңнан астам тізгінсіз көліктің айыптұрағына жөнелтілгенін хабарлады. Жолдағы апатты болдырмаудың жолы ретінде мопед атаулы тіркеуге алынып, көлікке автонөмір беріледі. Мопедке мінетіндер жүргізуші куәлігін алуы тиіс.
Осындай талапты көздейтін заң жобасы Сенатқа жіберілді.
Шамасы, тас жолда білгенін істеп жүрген тентектерге тосқауыл жыл соңына дейін қойылуы тиіс.
JQ-Aqparat
Сурет: zakon.kz
WhatsApp: +7 705 717 9113
