«Жол салып беруді анасы өтінді». Ербол Қарашөкеев чемпионның көшесіне неліктен асфальт төселгенін түсіндірді

Бүгін журналистер Жамбыл облысының әкіміне Елдос Сметовтің үйі тұрған көшеге не үшін асфальт салынғаны туралы сұрақ қойды.

Ербол Қарашөкеев: «Поселкеде жол құрылысы жоспарда бар болатын. Бірақ мемлекеттік сатып алу процесі созылып кетті. Сметовтің ата-анасына «Облысқа сіңірген еңбегі үшін» белгісі тапсырылғандықтан, анасы жол салып беруді өтінді. Біз ол кісіге аздап күту керектігін айттық. Бірақ қонақтар келе бастады, арасында кәсіпкерлер бар. Сөйтіп демеу қаржы есебінен жол салынды. Меніңше, онда тұрған ештеңе жоқ», — деп жауап берді.

JQ-Aqparat