Жетісу облысында 58 мың гектар жер мемлекетке қайтарылды

Жетісу облысының прокуратурасы мемлекетке құны 170 млн теңгеден асатын 58 мың гектардан астам жерді қайтарды. Мысалы, Алакөл ауданында құны 90 млн теңге болатын 43 мың гектардан астам ауыл шаруашылығы жерлері қайтарылды.
Қаратал ауданында құны 84 млн теңгеден асатын тағы 15 мың гектар жайылымды жерлері бар. Бұл жерлер игерілмеген және ұзақ уақыт бойы мақсатына сай пайдаланылмаған.
Прокуратураның қадағалау актісі бойынша жер мемлекетке қайтарылды.
Алдағы уақытта жер учаскелері тиімді пайдалану үшін кезекте тұрған тұлғаларға берілетін болады.

JQ-Aqparat