Жетісай аудандық білім бөлімінде есепшілер 530 млн теңге жымқырған

Photo of human hands holding pencil and ticking data in documents

Түркістан облысының прокуратурасы «Жетісай ауданының білім бөлімі» ММ бухгалтерлеріне қатысты сотқа дейінгі тергеп-тексеруді бастады.

Облыстық прокуратураның баспасөз қызметі хабарлағандай, тергеу кезінде осы мекеменің бухгалтерлері 2021-2023 жылдар аралығында алдын-ала сөз байласып, мектеп қызметкерлерінің анкеталық мәліметтерін өзгерту арқылы жалақыға бөлінген мемлекет қаржысын аса ірі мөлшерде жымқырған.
Сөйтіп 530 млн теңге шығын келтірген.

Сотқа дейінгі тергеп-тексеру басқармасымен 3 күдікті тұлға уақытша ұстау изоляторына қамалып, сот санкциясымен екі айға қамауға алынды.

Қазір осы қылмысқа тағы кімдердің қатысы екені анықталып жатыр.

JQ-Aqparat