Жемшөп суармалы алқапта өсірілмек

Мал шаруашылығы саласын дамыту бағытында аудан инвесторлардың қызығушылығын тудырады. Әр жыл сайын мал мен техника сатып алу, өндірістік нысандар құрылысы тәрізді инвестициялық салымдар өсімі байқалады.

Мәселен, «Хамза» шаруа қожалығы өз қаржысы есебінен тауарлы сүт фермасының 400 бас сауынды сиырға арналған қораларды жөндеді. Германияның «Buschhoff» фирмасы жасаған мал азығы зауытын орнатып, осы шетелден асыл тұқымды мал сатып алды. Сиыр сауу және мал азығын дайындау жұмысыавтоматтандырылған, компьютер арқылы басқарылады. Қожалық басшысы Ержан Биекенов алдағы уақытта сүт өңдейтін цех салуды және малдың жемшөбін суармалы алқаптарда өсіруді жоспарлап отыр.

Ақмола облысы, Ерейментау ауданы