Жасанды интеллектпен түсірілген сериал Қытайда 500 миллион қаралым жинап жатыр (Видео)

11 наурыз, 15:51

Қытайда жасанды интеллект көмегімен түсірілген Huo Qiubing сериалы қысқа уақыт ішінде үлкен танымалдыққа ие болуда. Режиссері Ян Ханьхань жоба небәрі 430 доллар бюджетпен түсірілгенін айтқан.

80 сериядан тұратын сериал бірнеше күнде дайындалып, қытайлық Weibo әлеуметтік желісінде 500 миллионнан астам қаралым жинағаны туралы ақпарат бар.
Арнайы эффектілердің құны секундына шамамен 3 юань (0,4 доллар) ғана болған.
Сериал Қытайдың тарихи тұлғасы, жас қолбасшы Хо Цюбиннің өмірі мен әскери ерліктері туралы баяндайды. Жоба кино өндірісіндегі жасанды интеллекттің мүмкіндігі зор екенін тағы да көрсетіп берген тәрізді.