Жанармай бекетіне соғылған Porsche жүргізушісі ұсталды

Алматыда өзінің көлігімен жанармай құю станциясына қарай ұшып кеткен Porsche жүргізушісі ұсталды. 

Tengrinews.kz  хабарлағандай,  қалалық ІІД баспасөз қызметіне сілтеме жасап. «Porsche жүргізушісі анықталып, ұсталды. Ол екі бап бойынша — жол апатын жасағаны үшін және жол апаты болған жерден кетіп қалғаны үшін қылмыстық жауапкершілікке тартылды. Материал таяуда сотқа жолданады», — деп хабарлады Алматы қалалық ІІД ресми өкілі Салтанат Әзірбек. \ Еске сала кетейік, бұл оқиға биыл наурыз айында Төле би Саин көшелерінің қиылысында болған еді. Кейінірек Porsche автокөлігінің жанармай құю станциясына қарай ұшып кеткен сәті түсірілген видео жарияланған болатын. Айта кетейік, бұл оқиғадан ешкім зардап шеккен жоқ.