Жанар Байсемізова: Балалар 4-5 мың емес, 50 мың долларға сатылған

«Шетелдегі қазақ балалары» жобасының авторы Жанар Байсемізова «Abay live» бағдарламасына сұхбат берген кезінде көп шындыққа көз жеткізгені туралы сөз етті.

«Балаларды 4-5 мың доллар емес, 50 мың долларға сатылып кеткен. Сол кездегі 90-жылдардың аяғы мен 2000 жылдардың басында. Тараздан әр отбасы 50 мың доллардан беріп, балаларды алып кеткен.

Заңсыздықтар өте көп болған. Баланы ауру деп жазуы мүмкін, сыбайлас болуы мүмкін. Бірақ, құжатты жаксылап толтырып жібереді.

Адамның миына сыймайтын жағдайлар болған. Шынын айтқанда, өзің шошып кетесің ондай дүниеден. Біздің құлдырап кеткенімізді осы бағдарлама арқылы білдім. Шетелдіктер негізі заңды сақтайды. Бірақ, біздің адамдарға ақша керек болған, бала сатуда. Жетім балалар қайдан шықты. Жетім балалар болмаса, мұндай жағдай болмас еді. Қарапайым адамнан бастап, бәріне өзіміз кінәліміз. Баланы өлді деп шетелге берiп жiберген», — деді.

JQ-Aqparat