Жамбылда машина ішінде 2 жасар бала жанып кетті

Жамбыл ауданында қайғылы оқиға болды, деп хабарлайды «ҚазАқпарат» ХАА тілшісі Жамбыл облыстық ТЖД-ның баспасөз қызметіне сілтеме жасап.

«18 маусым күні 11:30-да Ерназар ауылында жеке тұрғын үйдің ауласында «ВАЗ-2105» маркалы автомашинадан өрт шыққан. Өрт шыққан машинадан денесінің 90 пайызы күйік шалған 2 жасар қыз құтқарылып, Тараз қаласындағы №2 ауруханасына жеткізілді. Алайда сәби емханада көз жұмды», — делінген баспасөз баянында.

Ведомство хабарлағандай, өрт қатысушы тараптың өз күштерімен сөндірген, өрт сөндіру қызметіне өрт туралы ақпарат түспеген.

Куәгерлердің айтуынша, бүлдіршін қыз ата-анасының қарауынсыз болған және машинада сіріңке жағып ойнап отырған. Қайғылы оқиғаға байланысты тергеу амалдары жүргізілуде.

ҚазАқпарат