Жамбыл облысында қаза тапқан көпбалалы полицейді соңғы сапарға шығарып салды

Бүгін таңертең Жамбыл облысында қаза тапқан Ғалым Арыстанбаевты соңғы сапарға шығарып салды, деп хабарлады  Orda.kz. Полицейдің артында әйелі мен 11 баласы қалды. Оның сегізі балалар үйінен асырап алынған.

Естеріңізге салсақ, 17 тамызында сағат 01:00 шамасында «Меркі — Шу — Бурылбайтал» республикалық маңызы бар автожолының 40-шақырымында ауыр жол-көлік оқиғасы болды. 25 жастағы Тойота Альфард автокөлігінің жүргізушісі қарсы жолаққа шығып, Шкода Октавия патрульдік полиция көлігімен соқтығысқан.

Апат салдарынан жол қауіпсіздігін қамтамасыз ету үшін жүрген қызметтік көліктегі екі патрульдік полиция қызметкері қаза тапты. Қайтыс болған полиция қызметкерлерінің бірі 11 бала тәрбиелеп отырған көп балалы әке.

JQ-Aqparat

Сурет: Orda.kz