Жұлдыз Өмірғалидың ана атанғаны туралы ақпарат желіні шулатты

Көпшілік Айқынмен байланыстырып жүрген «Кешью» тобының экс-солисті Жұлдыз Өмірғали ана атанған. Бұл туралы әншінің желідегі парақшасында оқырмандары жарыса жазып, Жұлдызға ақ тілектерін білдіруде. 

Өз кезегінде Өмірғали «Ертең айтамын…» деп оқырмандарын қызықтырып қойған. БАҚ беттерінен Жұлдыздың ана атанғанын естіген желі қолданушылары сурет астына түрлі пікірлер қалдыруда. Олар тіпті әншінің ұл босанғанын және сәбидің есімі Санжар екенін де біліп алған.

«Ұлды болғаның рас па сонда?», «Менің де баламның аты Санжар, балаларымыз аттас екен. Бауы берік болсын!» ,- деп жазды.

Айқынның парақшасында да оқырмандар оны ұлды болуымен құттықтап, пікір қалдырған.

Еске салсақ, бұған дейін желіде Жұлдыздың қыз ұзату тойының видеосы пайда болған. Онда Айқын күйеу бала ретінде жүреді. Әншілер бұл ақпаратты жоққа шығарғанымен, кейіннен редакциямызға Түркия елінде бірге демалып жүрген Айқын мен аяғы ауыр Жұлдыздың суреті келген.

Nur.kz