Қыз алып қашпақ болғандар ұсталып қалды

Ақтөбе қаласында тал түсте қыз алып қашпақ болған екі жігіт ұсталып, үстерінен қылмыстық іс қозғалды. Олар мүлдем танымайтын бойжеткенді көліктеріне отырғызып, алып кетпек болған. Абырой болғанда куәгерлер қарап қалмай, қызды құтқарып алған. Ал тентектерді полицияға тапсырған.

Кейін анықталғандай, жастары жиырмадан енді асқан жігіттер Хромтау тұрғындары екен. Олардың бірі қызды сырттай көріп, ғашық болған. Бірақ тура барып танысып, сөз салуға қорыққан. Сондықтан алып қашып, үйленбекші болыпты. Ал бойжеткеннің өзі оларды мүлдем танымайтын болып шықты.

Қазір тентектер ешқайда кетпеу туралы қолхатпен бостандыққа шықты. Тергеушілер «Адам ұрлау» бабы бойынша қылмыстық іс қозғады.

qasym.kz