“Ұстазым қол жүгіртті”. Студент қыз профессор-ұстазын айыптады (Видео)

«Ұстазым қол жүгіртті» деп мәлімдеме жасаған Астана медициналық университетінің студенті Аида Жампейісова бүгінде өзге мұғалімдерден теперіш көруде. КТК арнасы хабарлағандай, ұстаздың оғаш әрекетін көрген жалғыз бұл емес екен. Профессорға өкпелі бірнеше студент полицияға арыз түсірген. Мән-жайды қазір полиция анықтап жатыр.

«Маған «төс тартқышыңды көтер, мен жүрек қағысыңды тыңдауым керек» деді. Қорыққаным соншалық, есік-терезе жабық, ойлаңызшы, не істерімді білмей, айтқанын бұлжытпай орындадым. Сосын көкірегімді умаждап ұстай бастады. Бір орында қатып қалғанымды ғана білемін. Шамамен бір минуттан кейін есімді тез жиып алдым да, «мен қорқып тұрмын» деп айттым, ағайға. Сонда оның маған айтқан бар жауабы: «Неге қорқасың? Мен бар болғаны денсаулығыңды тексеріп жатырмын деді», — дейді Аида Жампейісова.

Ал басынан кешкенін инстаграмда ағынан жарылып айтқанынан кейін студент қыздың басына қара бұлт үйірілген.

JQ-Aqparat