Үшемнің анасы балаларына Кемел, Қасым, Жомарт деген есім берді

Түркістан облысы Келес ауданында үшем дүниеге келді. Облыс әкімінің баспасөз қызметі хабарлағандай, Абай ауылының тұрғыны, 33 жастағы келіншек бұған дейін жеті қызды дүниеге әкелген алтын құрсақ ана. Үшемнің біреуі қыз, екеуі ұл. Балалардың анасы Гүлназ Қожабекова қызына Кемел, ал екі ұлына Қасым және Жомарт деп есім таңдапты.

Отағасы Бақыт Мыңжасар құрылыста еңбек етеді. Келіншегі Гүлназ үй шаруасында.
«Біздің Президент сияқты болсын деп балаларға Қасым, Жомарт және Кемел деген есім бердік», — дейді үшемнің анасы.

JQ-Aqparat
Сурет: Түркістан әкімінің баспасөз қызметі