Westoil Softwere: Ақылға келіп, заңсыз ереуілді тоқтатуға шақырамыз

«Westoil Software” ЖШС мәлімдеме жасады.

Онда: «Осыған дейін хабарлағанымыздай, қазір компания жұмысқа орналасу кезегіне тұрған жұмыссыз азаматтар арасында әңгімелесу жүргізіп жатыр.

Бүгінгі күні 20 адам әңгімелесудің барлық кезеңінен өтіп, сот шешімімен жұмыстан шығарылған заңсыз ереуілге қатысушылардың орнын басып, жұмысқа кірісіп жатыр», — делінген.

Компания алдағы уақытта заңсыз ереуілді тоқтатқысы келмеген бұрынғы жұмысшылардың барлығын біртіндеп ауыстырады.

Дегенмен заңсыз ереуілге қатысушылардың жұмысқа қабылдау ісі аяқталмай тұрып, келісім комиссиясы арқылы жұмыс орындарына қайта оралуына мүмкіндік бар.

Westoil Softwere мәлімдемесінде:  «Ақылға келіп, заңсыз ереуілді тоқтатуға шақырамыз. Кәсіпорын өз тарапынан еңбек жағдайын жақсартуды, құрал-жабдықтарды жаңартуды және жылы автомобиль бокстарын салуды өз міндетіне алады», — делінген.

JQ-Aqparat