Түркістанда өлі табылған балалардың анасы іздестіріліп жатыр

7 ақпанда Түркістан қаласындағы жалдамалы пәтердің бірінде кішкентай екі баланың мүрдесі табылды. Оtyrar.kz жазғандай, олардың анасы Қызылорда облысының тұрғыны екен. Түркістанда пәтер жалдаған ол балалардың өлімі туралы құрбысына айтқан. Күдікке ілінген келіншектің Шиелі ауданындағы А.Пушкин атындағы 46-шы мектеп-лицейде бастауышқа дейінгі сыныптың тәрбиешісі болып жұмыс істейтіні анықталды.

Бұл ақпаратты Шиелі аудандық білім бөлімінде растады.

Түркістан полиция департаментінің басшысы Мұрат Қабденов бұл істі тергеуді өз бақылауына алғанын мәлімдеді. Сондай-ақ ол тұрғындардан тексерілмеген ақпарат таратпауды өтінді.

JQ-Aqparat

Сурет: pixabay