ТрансКаспий бағыты: 6 айда 2,1 млн тонна!

29 шiлде 2024, 12:59

Каспий теңізі жағасындағы Ақтау және Құрық порттары негізінде ірі көлік-логистикалық кластері мен Ақтау контейнер хабы құрылады.

UKIMET Телеграм-каналы хабарлағандай, мұндай ауқымды жобалар еліміздің 2024-2028 жылдарға арналған Теңіз инфрақұрылымын дамыту жөніндегі кешенді жоспарында көзделген.

Ақтау мен Құрық айлақтары Халықаралық Транскаспий көлік бағыты( ХТКБ) бойынша жүк тасымалдауда шешуші нысандар екені белгілі. Аталған бағыттың әлеуеті барған сайын артып келеді. Биылғы жылдың алғашқы 6 айында ХТКБ арқылы жөнелтілген жүк көлемі 65 пайызға өсіп, 2,1 млн тоннаға жетті.

Айта кеткен жөн, көлік-логистика кластері мен контейнер хабын құру жобалары жеке инвестициялармен жүзеге асады.

JQ-Aqparat
Сурет: Ақтау теңіз сауда порты баспасөз қызметі