Толқын Забирова: «3-4 сағаттың ішінде әнші қыламыз» дейтіндер бар

Еліміздің еңбек сіңірген қайраткері, әнші Толқын Забирова вокалды білмейтін жас өнерпаздарға реенішін білдірді. Өнер иесі «Таңшолпан» бағдарламасында өз білімімен емес тез танымал болуға ұмтылатын жас әншілер жайлы айтты.
«Заманауи өнерге еріп кеткен жас өте көп. Көбі ән айту үшін вокалдан ешқандай білім керек емес дейді. Жақсы бір продюсер табылса, сені алға жетелейтін адамың болса, әрине, сен бір жерден болмаса, бір жерден шығарың анық. Дегенмен арнайы вокалдан, дауыстан сабақ алу керек. Қазір блогерлердің заманы. Нотаны түсінбейтін әнші көп. Сольфеджио не екенін білмейді. Қазір әлеуметтік желіде «3-4 күнде немесе 3-4 сағаттың ішінде сіздерді әнші қыламыз» дегендерге таңғаламын. Жыл өте келетін, үйренетін нәрсе. Мықты әншілердің өзі 40-50 жасқа келгенде әнші болу ұғымын түсінеді. Бұл өнерге жауапкершілікпен, ақылмен келетін, саналары ашылған, расында, әнші боламын деп келетін әншілерге қуанамын», — дейді Толқын Забирова.

JQ-Aqparat