Өтепберген Әлімгереев: «Әліпбиді меңгеру баршаға ортақ міндет болуы керек»

«Әліпбиді меңгеру баршаға ортақ міндет болуы керек», —  дейді Қазақстан халқы Ассамблеясының мүшесі Өтепберген Әлімгереев. Бұл туралы jasqazaq.kz хабарлады. 

Қазақстан халқы Ассамблеясының мүшесі, Дүниежүзі қазақтары қауымдастығының Атырау облыстық филиалының төрағасы Өтепберген Әлімгереев, латын әліпбиінің қазақтарға ғана емес, бүкіл қазақстандықтарға арналған әліпби болуы керектігін айтады.

«Себебі, орыс тілінде сабақ оқитын қазақ балалары да бар. Немесе ата-аналар өздеріне ауыртпалық түсіргісі келмей, балаларын орыс сыныптарына қарай сүйрей бастайды. Сондықтан, әліпбиді барлық қазақстандықтар меңгерсе, оларға ортақ міндет болса» дейді ол. Спикер алдағы уақытта жаңа әліпбидің қарым-қатынас құралына айналарына сенімді.

Баян ЖАНҰЗАҚОВА