Теміртаудағы газ жарылысы: Бір адамның денесі табылды (Видео)

15 ақпан, 11:15

Теміртаудағы жарылыстан кейін қирап қалған дүкен ғимаратының астынан бір адамның мәйіті табылды. Таңғы 09:49 кезінде құтқарушылар үйінді астынан әйелдің денесін сыртқа шығарды. Жедел жәрдем бригадасы өлім фактісін растады, деп хабарлады ТЖМ баспасөз қызметі.

Бүгін таңертең Теміртауда қос қабатты дүкен ғимаратында газ жарылған болатын. Дүкен опырылып, өртенген. Сағат 08:44 шамасында үйінді астынан әйел адам шығарылды. ТЖМ сағат 09:08 кезінде өрт оқшауланғанын хабарлады. Үйінді астынан табылған марқұм дүкеннің сатушысы болған. Зардап шеккен әйел — сауда жасауға келген қала тұрғыны. Ол ауруханада жатыр.

JQ-Aqparat