Тараз қаласына жаңа әкім тағайындалды

Тараз қаласына жаңа әкім тағайындалды, деп хабарлайды Today.kz turaninfo.kz сайтына сілтеме жасап.

Қала басшылығына биылғы жылдың ақпан айынан бері Жамбыл облысы әкімінің орынбасары қызметін атқарып келген Ғалымжан Райылұлы Әбдірайымов келді.

Ғалымжан Райылұлы осыған дейін Тараз, Алматы, Астана қалаларында лауызымды қызметтер атқанған.

2003-2009 жылдары Алматы облысының мемлекеттік сәулет-құрылыс бақылау басқармасының бастығы, 2009-2013 жылдары Қазақстан Республикасы Құрылыс және тұрғын үй-коммуналдық шаруашылық істері агенттігінде басқарма басшысы, департамент директоры – Қазақстан Республикасының мемлекеттік құрылыс инспекторы, 2013-2014 жылдары Қазақстан Республикасы Өңірлік даму министрлігі Құрылыс және тұрғын үй-коммуналдық шаруашылық істері комитеті төрағасының орынбасары, 2014-2015 жылдары Алматы облысы әкімі аппаратының басшысы, 2015-2017 жылдары Алматы облысы әкімінің орынбасары, 2017 жылдың 15 ақпанынан бүгінгі күнге дейін Жамбыл облысы әкімінің орынбасары қызметтерін атқарып келген.