Тамақтың орнына тасты шайнап жейтін қария жұрттың таңданысын тудырды (видео)

Қартайған шағында адамның тісі түсіп, әлсірей бастағанда жұмсақ және жеңіл тамақтарға көшіп жатады. Ал мына пәкістандық қария барлығын өзінің тасқа деген керемет тәбетімен таңғалдыруда деп хабарлайды NUR.KZ.

65 жастағы Ликвиат Пәкістанның Мардан қаласында тұрады. Ол 53 жасынан бастап тамақ ретінде тасты қолдануды доғара алмай келеді. Қария тастарды кішкентай бөлшектерге бөледі де, аузына салып, әдеттегі тамақ секілді шайнап жұта береді.

Ол бір күнде шамамен 150 грамм тас жейді. Дегенмен егде жастағы азаматтың ас қорыту жүйесі мен тістері әлі күнге дейін толықтай сау.