Талдықорғанда педофил 10 жасар қызды зорламақ болған

«Криминальный Казахстан» Телеграм-каналы жазғандай, сұмдық оқиға 17 қаңтар күні сағат 14:30 шамасында болған. Оқушының анасы полицияға арыз жазған.

Оқиға былай болған: қыз бала Оқушылар сарайындағы қосымша сабағына бара жатқан. Жол-жөнекей артынан белгісіз ер адам жүріп отырған. «Күншуақ» балабақшасына жете бергенде ер адам оны құрылыс алаңына қарай сүйрей жөнелген. «Дыбысыңды шығарсаң, өлтірем» деп қорқытып, шалбарын шешпекші болған. Құдай сақтап, өтіп бара жатқан адам көмекке келіпті.
Полицейлер ізін суытпай 19 жастағы күдіктіні ұстады. Қазір ол қамауға алынды. Сотқа дейінгі тергеу басталды.

JQ-Aqparat