Талдықорғанда лауазымды тұлғалар сотталды

Талдықорғанда көпқабатты үйлер құрылысы кезінде аса ірі мөлшерде қаржы жымқырған тұлғалар сотталды. Бұл туралы облыстық прокуратураның баспасөз қызметі хабарлады.
«Жетісу облысының прокурорлары Талдықорған қаласында 2 көпқабатты тұрғын үй салу кезінде бюджет қаражатын жымқырған кінәлі тұлғаларға қатысты әділ үкімге қол жеткізді», — делінген ведомство хабарламасында.
Қылмыстық тергеуді арнайы прокурорлар бастап, жүргізді.
«Талдықорған қаласының құрылыс бөлімінің лауазымды тұлғасы мердігермен алдын ала сөз байласа отырып, 250 млн теңгеден астам сомаға атқарылған жұмыс туралы жалған актілерге қол қою арқылы аса ірі мөлшерде ұрлық жасағаны анықталды», — делінген хабарламада.
Сот үкімімен айыпталушы үш тұлға, оның ішінде әкімдік қызметкері Қылмыстық кодекстің 2-тармағының 189-бабы 4-бөлігі бойынша кінәлі деп танылып, 7 жылға бас бостандығынан айырылды.

JQ-Aqparat