Талдықорғанда жоғалып кеткен екі жасар қыз өлі табылды

20 мамыр 2017, 15:40

Талдықорғанда жоғалып кеткен екі жасар Анастасия Руденко өлі табылды. Бұл туралы Алматы облыстық ТЖД ресми өкілі Азамат Жұртбаев айтты. Осыдан бір апта бұрын жоғалып кеткен Анастасия Руденко өлі табылды.

Қыздың денесін сүңгуірлер тапты. Еске сала кетейік, екі жасар қыз 13 мамырда жоғалып кеткен болатын. Қыздың анасы Марина Демочканың айтуынша, олар балалармен бірге есік алдында ойнап жүрген. «Балалар далада ойнап жүрді. Ұлым даладан кір аяқкиіммен кіріп келді. Содан аяқкиімін шештіріп, тазалай бастадым.

Осы сәтте Настенька далада жүрді. Кейінірек мен оны шақыра бастадым. Бірақ ол көрінбеді. Настенька үй ауласында жақын жерде ойнап жүрген еді. Содан мен оны аулада іздей бастадым. Күйеуім жұмыстан келген соң бізбен іздестіре бастады. Нәтиже болмаған соң полицияға хабар бердік», — деген еді анасы.