«Такси жүргізушісі мені қорлады». Қостанайлық келіншектің айласы әшкере болды (Видео)

30 қантар 2024, 15:24

Қостанайлық такси жүргізушісіне бар өнерін көрсеткен келіншектің видеосы әлеуметтік желіге тарады. Видеодан мекенжайын дұрыс көрсетпеген әйел полицияға хабарласып мән-жайды жайлап түсіндіріп, кенеттен жүргізушіні кінәлап, айғайлап, тіпті ентіккен сәтін көруге болады.

Жүргізуші камерадан болған оқиғаны көрсетіп, актерлік шеберлігі мықты келіншекті әшкереледі.
Оқиғаға қатысты Қостанай облысы полиция департаменті түсініктеме берді. « 24 желтоқсан күні полицияға әйел адам хабарласып, үйінің жанында такси жүргізушісімен жанжал болғанын айтты. Ол оқиға салдарынан өзін жайсыз сезініп, жағдайы нашарлағанын жеткізді. Полицейлер такси жүргізушісінің әрекетінен ешқандай құқық бұзушылық көрмеген. Осыған байланысты материал номенклатуралық іске (мұрағатқа) есептен шығарылды»,- делінген облыстық ПД мәліметінде.
Әлеуметтік желі қолданушылары: «Такси жүргізушісі бұл келіншеті жазалау керек, сонда ол актерлік шеберлігін көрсетпейтін болады», «Бұл жерде жәбірленуші — таксистің өзі» деген пікірлер қалдыруда.