Төреғали Төреәлі тыңдармандарын алдап соқты (видео)

15 мамыр 2017, 17:58

Төреғали Төреәлі республиканың түкпір-түкпірін аралап, концерт беріп жүр. Бірнеше күн бұрын ол еліміздің батыс өңірлерінде болып, асыға күткен тыңдармандарымен қауышты.

Әншінің айтуынша, Қазақстанның батыс өңірі оны ерекше құрмет тұтады, концерттерін тағатсыздана күтеді.

Мәселен, Орал халқы Төреғалиді гүлге “шомылдырды”. Әнші оларды қайда жіберерін білмей, қонақ үй бөлмесіндегі төсегіне төседі.

Сол сияқты Атырау өңірі де Төреғалиге ерекше құрмет көрсеткен ұқсайды. Әнші желідегі парақшасына видео жүктеп, атыраулық тыңдармандарына алғысын жеткізді.

«Құшақтарыңызды ашып, бізді күтіп алып жатқандарыңызға көп рахмет. Қашан болса да, келген сайын Атырау жылы құшағымен, есіктеріңізді айқара ашып, күтіп алып жатасыздар. Тойларыңыз құтты болсын. Бәріңізге жақсылық тілеймін, бәріңізге жұғысты болсын, рахмет бәріңізге», – деді Ұлы дала баласы.

Алайда Төреғали бұл сөздерді бір ғана адамның алдында сөйлеп, желідегілерді аң-таң қалдырды.