Төреғали: “Қазақ қызға үйленем” әнін енді қай бетіммен орындаймын

“Қазақ қызға үйленем” әнін Төреғали енді орындай алмайтын болды. Сөзіне сенсек, “Айхай-25” концертінде соңғы рет орындамақ.

Бұл туралы Zhuldyz TV арнасына берген сұхбатында айтты, деп хабарлайды stan.kz сайты.

“Енді мен ол әнді айта алмайтын болдым. Соңғы рет Республика Сарайында өтетін “Айхай-25” концертімде бір рет айтармын. Содан кейін үйлену тойым болса, бұл әнді қай бетіммен айтамын”, – дейді Төреғали Төреәлі.

Енді үйленетін әнші жігіттерге сыйлайтын болды бұл әнді. Тіпті, болмаса ол әннің мәтінін өзгертетінін айтты. “Қайнардың өлеңі бүкіл қазаққа ортақ. Біз өлеңді қызғанбаймыз, әнді қызғанбаймыз. Енді үйленейін, отау құрайын деп жүрген жігіттер болса, айтуларына болады”, – дейді әнші.