Шымкенттің орталығындағы ескі ғимарат өртенді (видео)

Шымкенттің орталығындағы ескі ғимарат өртенді. Тілсіз жау таң ата 5.56 шамасында орын алған, деп хабарлады ҚазАқпарат.

«Жалын 516 шаршы метр алаңды шарпыған. Соның салдарынан ғимараттың қабырғалары мен шатырын құлатқан. Өртті ауыздықтауға 17 теxника мен 113 сөндіруші, сондай-ақ «ЛТД тұрмыс» мекемесінің 2 су тасығыш теxникасы жұмылдырылды», — деп хабарлады облыстық ТЖД.

Өрт сөндіру жұмыстары кезінде 1 қызметкер жарақат алып, жедел жәрдем ауруxанасына жатқызылды. Оған тиісті емдеу шаралары жасалып, диагнозы нақтылануда. Екі сағаттан аса жалынмен арпалысқан сөндірушілер жалынды 7.37 — де сөндіре адды. Ғимараттың басым бөлігі жанып кетті.

Айта кетейік, ескі ғимарат 1940 жылы салынған. Онда соңғы кезде адвокаттар алқасы мен Әл-Фараби аудандық әкімдігі отырған еді. Өткен жылдан бері ғимарат апатты деп танылып, босатылған болатын.