Шымкенттегі түнгі клубтардың бірі өртенді (видео)

Шымкенттегі түнгі клубтардың бірі отқа оранды. Оқиға 29 қыркүйек күні түнгі сағат 3-тер шамасында болған. Өрт Республика даңғылының бойындағы демалыс орындарының бірінен шыққан, деп хабарлайды Baq.kz ақпарат агенттігі жергілікті БАҚ-қа сілтеме жасап.

Тілсіз жауды ауыздықтауға өртке қарсы қызметтің 12 техникасы мен жеке құрамның 55 қызметкері жұмылдырылған. Соның нәтижесінде тұтанған өртті таңғы сағат 5-те толық өшірген.

Абырой болғанда, тілсіз жау өзге ғимараттарға өтіп үлгермеген. Сондай-ақ бұл уақытта клубта демалушылар болмаған. Қаза болғандар мен зардап шеккендер жоқ. Қазіргі таңда өрттің себеп-салдары тексеріліп жатыр.