Шымкентте ұстаз мектепте асылып қалды

22 сәуiр 2018, 9:22

Шымкенттегі «Асар» шағынауданында орналасқан мектептің бірінде оқыс оқиға болды. 21 сәуірде мұғалім мектеп қабырғасында асылып қалған.

21 сәуір күні күндіз «Асар» шағындауданындағы шағынауданда оқыс оқиға орын алған. Мектеп кабинеттерінің бірінде 1990 жылы туылған ұстаздың өлі денесі табылды, деп хабарлайды TVК телеарнасына сілтеме жасаған NUR.KZ.

Дәрігерлердің айтуынша, информатика пәнінің мұғалімі асылып қалған.

Оқиға орнына полицейлер мен медициналық көмек бригадасы шақырылып, дәрігерлер педагогтың өлімін растады.

Дәрігерлердің мәліметтерінше, 1990 жылы туылған ер адам өз-өзіне қол жұмсаған. Жас жігіт мұндай жантүршігерлік оқиға алдында қысқаша хат жазып қалдырған-қалдырмағаны әзірге белгісіз.