Шымшаһарда биыл масаға қарсы залалсыздандыру жұмыстарын жүргізуге 101 109,7 мың теңге қаржы бөлінді.
Бұл жұмыс жылына 4 рет, яғни маусым, шілде, тамыз, қыркүйек айларында үздіксіз жүргізіледі. Дегенмен ауа-райы қолайсыздығына қарай өзгеруі де мүмкін.
Шаһарда 1 355 200 шаршы метр өзен-каналдар, су қоймасы аумағын, 2 377 495 шаршы метр саябақтар аумағын, 1 223 666 шаршы метр гүлзар мен аллеялар аумағын залалсыздандыру жоспарланған.
Қаладағы 45 гүлзар мен аллеягның жалпы көлемі — 1 223 666 шаршы метр, 12 саябақтың аумағы — 2 377 495 шаршы метр. 35 өзен мен канал, 2 су қоймасы (1355 200 ш.м) бар.
Жоспарға сәйкес, масаға қарсы залалсыздандыру жұмыстарының 3 маусымда басталған алғашқы кезеңі 13 маусымға дейін жалғасады. Бүгінгі күні жалпы аумағы 117 гектар «Дендросаябақ» аумағында масаға қарсы залалсыздандыру жұмысы жүріп жатыр.
Аталған жұмыстарды мемлекеттік сатып алу порталы арқылы жеңімпаз болып танылған «SATTI TULIK» ЖШС жүзеге асыруда.
Жеке үйлер мен кәсіпкерлік нысандардың иелері өз қаражаты есебінен жүргізуге міндетті.
JQ-Aqparat