Шымкентте мас жігіттер полицейлерді соққыға жыққан

Шымкентте мас жігіттер полицейлерді ұрып кеткен.

Сақшылар қасынан өтіп бара жатқан көліктегі жүргізушінің сау екендігіне күдіктеніп, тоқтатпақ болады. Алайда жүргізуші тоқтамай, қаша жөнелген. Бірақ олар алысқа ұзап кете алмаған. Алды тұйық шағын көшеге бұрылған да, тоқтауға мәжбүр болған. Осыдан соң үш жігіт полицейлерге жұдырық ала жүгірген. Сержант пен старшинаның погонын жұлып алған. Денелерін көгертіп, түрлі жарақат салған. Бұзақы жігіттерді тек көмекке келген экипаж тыныштандыра алған. «Сараптама үш жігіттің орташа деңгейде мас болғанын көрсетеді. Қазір олар кінәларын мойындап, өз істеріне өкініш білдіріп отыр. Қылмыстық кодекстің екі бабы бойынша сотқа дейінгі тергеу жүріп жатыр. Екі баптың бірі бойынша оларға 10 жылға дейін бас бостандығынан айыру жазасы тағайындалуы мүмкін», — дейді Еңбекшілер полициясы тергеу бөлімінің басшысы Жандос Сұлтанов.

ҚазАқпарат