Шымкентте баласының басынан күрекпен ұрған қатыгез әке ұсталды

Шымкентте төрт жасар баласының басынан күрекпен ұрып, Қазнетті дүрліктірген 49 жастағы ер адамды ұсталды деп хабарлайды ОҚО ІІД сілтеме жасап NUR.KZ.

Аталған факті Оңтүстік Қазақстан облысының ІІД СДБ ҚК 110 «Азаптау» бабы бойынша тіркелген.

«2017 жылдың 27 мамыры жедел-іздестіру барысында Еңбекші АІІБ қызметкерлері өз баласын аяусыз таяқтаған 1968 жылғы ер адамды ұстайды. Полицейлер күдіктіні Еңбекші полиция бөлімшесіне жеткізді» – деп түсіндірді ІІД.

Қазір онымен тергеушілер жұмыс жасап жатыр. Аталған оқиғаның мән-жайы анықталуда. Сот-медициналық сараптама тағайындалды.

Анықталғандай, баланы қалдыратын ешкім жоқ. Анасы ұлын туа салысымен тастап кеткен, -деп жазады Tvk-uko.kz сенімді дереккөзге сілтеме жасап.

Жалданып жұмыс істейтін Шымкент тұрғыны өзімен бірге баласын алып жүреді екен. Ролик осындай нысандардың бірінде түсірілген.

Полицейлердің сөзінше, олар баланы тамақтандырған, оның қазіргі жағдайы жақсы.

Естеріңізге салсақ, бірнеше күн бұрын Шымкентте туған ұлын басынан күрекпен ұрып жатқан әкенің жантүршігерлік видеосы пайда болған. Роликте машина дөңгелегіне баласын күштеп отырғызып қойған ер адам, бүлдіршіннің басынан күрекпен ұрады.