Бала құқықтары жөніндегі уәкіл Динара Закиева әлеуметтік желідегі парақшасында Шымкентте асырап алынған балаларға қатысты жантүршігерлік жайттарды айтты.
Оның сөзінше, қазір тергеу жүріп жатыр.
«Бұл қылмыс бойынша ақпан айынан бері ҚР ІІМ, Бас прокуратура және Шымкент қаласының Балалар құқықтары жөніндегі уәкілімен бірлесе жұмыс істеп келеміз. Бұл оқиғада біраз сұмдық бар. Соның бірі, балалардың үлкенінің сөзінше, асырап алушылар балаларға зәр ішкізіп, нәжіспен тамақтандырған. Іс сотқа жіберілді. Сондай-ақ, олар балаға тиесілі ақшаны ешкілер сатып алуға жұмсап, балаға баққызып қойғандары туралы дерек бөлек тергеліп жатыр. Бұл жағдайда балалардың үлкенінің денесіндегі көгерген жерлерді көрген мектеп мұғалімдері және қамқоршылық органдарына сұрақ көп. Оларға қатысты да қылмыстық істер қозғалды, тергеу жүріп жатыр», — деп жазды Динара Закиева.
Оның айтуынша, бұл — кейінгі бірнеше ай ішінде баланы асырап алған ата-анасы азаптаған төртінші жайт.
WhatsApp: +7 705 717 9113
