Шымкент: Несие қамытын сүйреткендерге «Қарызсыз қоғам» көмекке келеді

Мемлекет басшысы Қасым-Жомарт Тоқаев өткен жылғы Қазақстан халқына Жолдауында «Қарызсыз қоғам» жобасын ерекше атап өтіп, оның игілігін барша халық көруі керек деген болатын. Көп ұзамай «Қарызсыз қоғам» жобасының орындалуы Үкіметте қаралды. Биыл халықтың қаржылық сауатын арттыруға бағытталған «Қарызсыз қоғам» жобасы барлық өңірде қолға алынып, жүргізіле бастады.

Президент тапсырмасын жүзеге асыру мақсатында, республикалық «Amanat» партиясының Шымкент қалалық филиалы мен Шымкент қаласы әкімдігі бірлесіп, «Қарызсыз қоғам» жобасы аясында қаржылық сауаттылықты арттыру бағытындағы жұмыстар атқаруда.
Бұл туралы Шымкент қаласы Өңірлік коммуникациялар қызметінде «2024 жылдың бірінші жарты жылдығындағы «Қарызсыз қоғам» жобасын іске асыру қорытындылары туралы» тақырыбында өткен брифингте сөз етілді.
Бүгінде Шымкент қаласы әкімдігінің «Қарызсыз қоғам» жол картасы іске асырылып жатыр. Биылғы ақпан айыннан бастап кез келген тұрғынға қаржылық сауатты арттырып, қарыздан құтылуға көмектесетін «Қарызсыз қоғам» жобасы басталып, проблемалық борышкерлерді оңалту бағдарламасы қолға алынды. Аталмыш жобаға қатысушылардың жартысына жуығы қаржы және заң мамандарының көмегін алуда.
2024 жылдың 5 ақпанынан «Қарызсыз қоғам» жобасы аясында Шымкент қаласы Абай ауданы бойынша 1500 адам қаржылық сауаттылық курстарын аяқтап, сертификат алды (бұл жоспар бойынша 50 пайыз орындалды).
Абай ауданы әкімінің орынбасары Гүлнұр Асылбекованың айтуынша, тренингке қатысушылардың басым бөлігі қаржылық сауаттылықтың төмендігінен келеді. Соның салдарынан тұрғындардың қарыздық жүктемесі артып келеді. Курс барысында қаржы мамандары оқытумен қатар, бизнесті мемлекеттік қолдау, отбасылық бюджетті құру бойынша жеке кеңестер берді, «Қарыз қоғам» жобасына қатысушылар еңбекке тіркелуден бастап кең ауқымды мәселелер бойынша кеңестер алды; .kz порталы және жеке кәсіпкерге соттан тыс банкроттықты рәсімдеу және берешекті өтеу кестелерін жасау бойынша кеңес алған.
Тренинг барысында қатысушылар заңгерлердің көмегін пайдалана алады, сонымен қатар «Ауыл аманаты» бағдарламасы бойынша құжаттарды жинау бойынша кеңестер ала алады. Заңгерлер өтініш берген кезде әрбір қарыз алушының несие тарихын жеке зерттеп, борыштық жүктемені жеңілдету бойынша практикалық кеңестер берді, сондай-ақ шот ашудан банкроттық туралы арыз беруге дейін қолдау көрсетті. Жеке кеңес беру кезінде тыңдаушылар қатысу үшін бағдарламаны таңдайды және сарапшымен бірге бизнес-жоспар жасайды.

JQ-Aqparat

Сурет: Шымкент қаласы Өңірлік коммуникациялар алаңы