Шымкент қаласы білім басқармасына қарасты 86 жалпы орта білім беретін мектебінде Парламент Мәжілісінің депутаты Нұрлан Әуесбаев атындағы баскетболдан мектепте жасөспірімдер арасында турнир өтті. Бұл жарыс салауатты өмір салтын насихаттау және баскетбол ойынын өскелең ұрпаққа дәріптеу мақсатын көздеді. Оған 2011-2012 жылы дүниеге келген қыздар қатысты.
Аса тартысты өткен турнирді Парламент Мәжілісінің депутаттары Нұрлан Әуесбаев, Гүлдара Нұрымова Данияр Қасқарауов, Ерболат Сатыбалдин, Данабек Исабеков, Наурыз Сайлаубай жә не Қазақстан аналар қоғамдық қоры бірлестігінің кеңесшісі, Бақытжан Айнасқызы тамашалады.
Жарыста №21 Чехов атындағы жалпы орта білім беретін мектебі, №50 А.Байтұрсынов атындағы мектеп-гимназиясы, №86 жалпы орта білім беретін мектеп, №89 ІТ мектеп-лицейінің баскетболдан қыздар командаларының арасында қызу бәсекелес ойын болды.
Турнир нәтижесінде қаладағы №86 жалпы орта білім беретін мектептің қыздар командасы бірінші орынды иеленді. Екінші орын №50 А. Байтұрсынов атындағы мектеп –гимназиясының қыздар командасына бұйырды. Ал үшінші орынға №89 IT мектеп –лицейінің қыздары лайық деп танылды.
Оқушы қыздар арасындағы баскетболдан жарысты 18 олимпиадалық резерв мамандандырылған спорт мектебінің директоры Серік Кәрібай, мәдениет салаларының үздіктері Хахмедин Бегімбетов, Абай аудандық ардагерлер кеңесінің мүшесі Пердебек Дүрментаев, ҚББ спорт бөлімінің басшысы Нартай Күзенбаевтар да қызықтап, тартысты ойындардың куәсі болды.
JQ-Aqparat
Суреттер: Шымкент қаласы Білім басқармасы
WhatsApp: +7 705 717 9113
