Шенділер ақысы 1,4 млн теңге болған Астана әуежайы автотұрағына қатысты түсініктеме берді

«Аstana LRT» ЖШС өкілдері елорда әуежайында орналасты делінген 1,4 млн теңгелік паркомат қағазына қатысты түсініктеме берді. Бұл туралы ҚазАқпарат хабарлайды.

“Аталған фотосуретте әуежай маңындағы көлік тұрағы үшін 1 457 000 теңге төленген деп көрсетілген. Бұл не фотомонтаж, не әңгіме Алматы әуежайы туралы, нақты растай алмаймын.

Өйткені Астанада төлем жүйесі осы жылдың 9 тамызынан бастап енгізілді. Бүгін жұмыс істеп жатқанына 12-ші күн. Ал мына суретке қарап ақының 24 күн, 17 сағатқа төленгенін байқауға болады”, – дейді баспасөз хатшысы Асқар Атағулин.

Сурет әлеуметтік желіде 19 тамызда пайда болды. Жариялаушы автор аталмыш паркоматтың Астана әуежайы аумағында орналасқанын айтқан.

stan.kz