Шүменовтің шаршы алаңға қашан оралатыны белгілі болды

Қазақстандық боксшы Бейбіт Шүменовтің (17-2, 11 КО) жаттықтырушыларының бірі Тейлор Берри өз қамқоршылығындағы спортшының жуырдағы жоспары жайлы айтты.

«Бейбіт Шүменов ауыр жарақаттан кейін қалпына келе бастады және жыл соңына дейін WBA әлем чемпионы белбеуін қорғайды», — деп жазды Берри Instagram парақшасында. WBA-ның «тұрақты» чемпионы Шүменов 29 сәуір күні бірінші ауыр салмақта аталмыш титулдың «уақытша» иесі кубалық Юниер Дортикоспен (21-0, 20 КО) айқасуы тиіс болатын, алайда қазақстандық спортшының ауыр жарақат алуына байланысты жекпе-жек кейінге қалдырылды.

ҚазАқпарат